Ish-Kryetari i Partisë Demokratike, Lulzim Basha ka qenë sot mes demokratëve të Delvinës. Këtë e bën publike në faqen e tij, kryetari i PD, Delvinë, Hari Imeri.
Basha shprehu gadishmërinë e tij të plotë për ta mbështetur Delvinën me të gjithë potencialin e tij, në të gjitha sfidat me të cilat përballet ky qytet me vlera dhe histori.
“Dhe një nga këto sfida është Reforma Territoriale”, ka thënë Basha.
Postimi i kryetarit të PD, Delvinë, Hari Imeri:
“Sot pata kënaqësinë të prisja spontanisht mes miqsh demokratësh delvinjot në një kafe të qytetit të Delvinës z.Basha. Ai shprehu mirënjohjen më të thellë për 547 anëtarët e degës tonë, dhe 2000 qytetarët e Delvinës që votëbesuan Partinë Demokratike me një rezultat historikë në këto 32 vite tranzicion. Z.Basha shprehu gatishmërinë e tij të plotë për ta mbështetur Delvinën me të gjithë potencialin e tij, në të gjitha sfidat me të cilat përballet ky qytet me vlera dhe histori. Dhe një nga këto sfida është Reforma Territoriale. Demokratët e Delvinës kanë qenë dhe kanë ditur të jenë shembull në raportet apo marrëdhëniet me njëri-tjetrin, përtej mendimeve ndryshe. Zoti i bekoftë demokratët, Shqipërisë dhe shqiptarët kudo ku janë.”, përfundon statusin e tij Hari Imeri.
